मागास प्रवर्ग युवक/ युवतींना मोटार वाहन चालक/ वाहक (कंडक्टर) प्रशिक्षणासाठी पाठविणे !!
सरकारी जीआर-
विजाभ-२००८/ प्र.क्र.२१३/मावक-३,दिनांक२३जुलै, २००९
विजाभ-२००८/प्र.क्र.२१३/मावक-३,दिनांक ३० जुलै,२००९
योजनेचा उद्देश्य-
बेरोजगारांना स्वयंरोजगारांच्या संधी उपलब्ध व्हाव्यात यासाठी एक भाग म्हणून राज्यातील अनुसूचित जाती, नवबौध्द तसेच अनुसूचित जमातीच्या तरूण/ तरूणींना वाहन चालक वाहन प्रशिक्षण देण्याचा निर्णय शासन निर्णय दि ४.२.२००८ नुसार घेण्यात आलेला आहे. त्या धर्तीवर विमुक्त जाती, भटक्या जमाती इतर मागासवर्ग व विशेष मागासप्रवर्गाच्या तरूण/ तरूणींना सदरची योजना वरील शासन निर्णयानुसार सन २००९-१० पासून लागू करण्यात आलेली आहे.
योजनेचा अटी-
१) लाभार्थी विजाभज, इमाव व विमाप्र प्रवर्गातील असावा.
२) हलके वाहन चालक प्रशिक्षणासाठी लाभार्थाचे शैक्षणिक पात्रता किमान इ ८ वी पास असावी.
३) अवजड मोटार वाहन चालक प्रशिक्षणासाठी शैक्षणिक पात्रता किमान इ ८ वी पास असावी.
४) वाहक (कंडक्टर) प्रशिक्षणासाठी लाभार्थाचे शैक्षणिक पात्रता किमान इ १० वी पास असावी.
लाभार्थीचे लाभाचे स्वरूप-
१ प्रशिक्षणाचा प्रकार - हलके मोटार वाहन चालक प्रशिक्षण , प्रशिक्षण कालावधी - ४० दिवस , मंजूर दर रु.३५२०/-
२ प्रशिक्षणाचा प्रकार - अवजड मोटार वाहन चालक प्रशिक्षण , प्रशिक्षण कालावधी - ४० दिवस , मंजूर दर रु.४१००/-
३ प्रशिक्षणाचा प्रकार - वाहक (कंडक्टर) प्रशिक्षण , प्रशिक्षण कालावधी - ८ दिवस , मंजूर दर रु.१६४५/-
प्रशिक्षण कालावधी प्रशिक्षण केंद्राच्या मुख्यालयाच्या ठिकाणी राहणारे स्थानिक प्रशिक्षणार्थी प्रशिक्षण केंद्राच्या मुख्याल्याचा ठिकाणी राहणारे स्थानिक प्रशिक्षणार्थी प्रशिक्षण संस्थेचा वसतिगृहात राहत नसल्यास मोटार वाहन चालक प्रशिक्षणार्थी रु.३००/- वाहक प्रशिक्षणार्थीस रु.१५०/- प्रशिक्षण काळात विद्यावेतन दिले जाते.
सदरची योजना राज्यामध्ये मे. रमेश मोटार ड्राईव्हिंग स्कूल जळगांव यांच्यामार्फत राबविली जाते.
No comments:
Post a Comment
धन्यवाद !!