अंतरजातीय विवाहास प्रोत्साहनपर आर्थिक सहाय्य देण्यासाठी योजना !!

सरकारी जीआर-

शासन निर्णय क्रमांक: युटीए-१०९३/४५५/प्र.क्र.२०३/मावक-२ दि. १२ जानेवारी १९९६

शासन निर्णय क्रमांक: सीबीसी-१०९८/प्र.क्र.१५१/मावक-५ दि.७ मे १९९९

योजनेचा उद्देश्य-

मागासवर्गीय व सवर्ण समाजामध्ये असणारी दरी कमी व्हावी. समाजातील जातीयता नष्ट व्हावी, म्हणून शासनामार्फत आंतरजातीय विवाहास प्रोत्साहन देण्यात येते.

स्वरूप-

आंतरजातीय विवाहित दाम्पात्त्यास प्रोत्साहनपर रु. ५०,०००/- अर्थसहाय्याचा धनाकर्ष पती पत्नीच्या संयुक्त नावाने जमा करण्यात येतो.

अटी व शर्ती-

अनुसूचित जाती, अनुसूचित जमाती पैकी एक व्यक्ती आणि सवर्ण हिंदू, जैन, लिंगायत, बौद्ध, शीख यांपैकी दुसरी व्यक्ती असा विवाह करणे आवश्यक आहे.


अनुसूचित जाती जमातींमधील व विमुक्त जाती व भटक्या जमातींमधील अंतर प्रवार्गांमध्ये झालेल्या विवाहास अर्थसहाय्य द्येय आहे.


या योजनेचा लाभ एकदाच देण्यात येतो.


विवाह नोंदणीचा दाखला आवश्यक आहे.


वधू वरांचा शाळा सोडल्याचा दाखला आवश्यक आहे.


दिनांक १ फेब्रुवारी २०१० नंतर आंतरजातीय विवाह झालेल्या जोडप्यांनाच रु. ५०,०००/- इतके अनुदान लागू राहील.