तुले, मले, त्याले, तिले...
सांगून गेले बा फुले
ऐक तू माझ्या भाई रे
संमेलन आपलं नाही रे
माझ्या गड्या आज त्यांनी
क्रुर परशू छापला
खूप खपू वर्षांपूर्वी
शंभुकाला रे कापला
शिवाजीच्या कपाळी
पायाने लावले टिळे
देवा-धर्माच्या नावे
मेंदूला लावले टाळे
मायाळू आपला बळी
त्यांनी गाडला पाताळी
नाही ऐकलीच कुणी
आपल्या तुक्याची हाळी
आता ऐक म्हणा त्यांना
आमुची भीम गर्जना
अण्णाभाऊंच्या गळ्यानं
गाऊ जिजाऊ वंदना
कवी - विकास वि. देशमुख (वाशीम)
No comments:
Post a Comment
धन्यवाद !!