तयास मानव का म्हणावे??- सवित्रीआई ज्योतिबा फुले.

तयास मानव का म्हणावे ??- सवित्रीआई ज्योतिबा फुले.

ज्ञान नाही विद्या नाही
ते घेणेची गोडी नाही
बुध्दी असुनि चालत नाही
तयास मानव का म्हणावे ?||१||

दे हरी पलंगी काही
पशुही ऐसे बोलत नाही
विचार ना आचार नाही
तयास मानव का म्हणावे ? ||२||

बाईल काम करीत राही
ऐतोबा हा खात राही
पशू पक्षात ऐसे नाही
तयास मानव का म्हणावे ? ||३||

दुसर्‍यास मदत नाही
सेवा त्याग दया माया ही
जयापाशी सदगुण नाही
तयास मानव का म्हणावे ? ||४||

 पशुपक्षी माकड माणुसही
जन्ममृत्यु सर्वानाही
याचे ज्ञान जराही नाही
तयास मानव का म्हणावे ?||५ ||

कवियत्री- सवित्रीआई ज्योतिबा फुले.